Author Topic: EquineAnn's Robert Burns Poetry Corner (Read 6302 times)

Clay Death · « **Reply #15 on:** February 26, 2016, 11:24:40 pm »

Ye Flowery Banks

By Robert Burns

Ye flowery banks o' bonie Doon,

How can ye blume sae fair?

How can ye chant, ye little birds,

And I sae fu' o' care?

Thou'll break my heart, thou bonie bird,

That sings upon the bough;

Thou minds me o' the happy days,

When my fause love was true.

Thou'll break my heart, thou bonie bird,

That sings beside thy mate;

For sae I sat, and sae I sang,

And wist na o' my fate.

Aft hae I rov'd by bonie Doon

To see the wood-bine twine,

And ilka bird sang o' its luve,

And sae did I o' mine.

Wi' lightsome heart I pu'd a rose

Frae aff its thorny tree;

And my fause luver staw my rose

But left the thorn wi' me.

CAMELOT FANTASIES

News:

Author Topic: EquineAnn's Robert Burns Poetry Corner (Read 6302 times)

Clay Death

Re: EquineAnn's Robert Burns Poetry Corner

Recent Topics